PDA

Archiv verlassen und diese Seite im Standarddesign anzeigen : Ist das nicht schön...? so sprach mein Vater.



jonny810
08.03.2011, 11:52
Niederdeutsche Umgangssprache der Bevölkerung im Freistaat Danzig
Zusammengestellung und Bearbeitung Karl-Heinz Jessner. 
C. 03. 2003

Mien Heimatland 
Von Heinz Loewen

Em 'Woarder si eck oppjewosse
mang Peerd onn Hehner, Duwe, Osse
Wo dütsch de Mensche dorch onn dorch
wo stolz noch steiht de Marjeborch.
De Mensche ehrlich sauber goot
onn alle von demsellwje Bloot.
Am Nogat onn am Wießelstrand
Doar es mien leewet Heimatland.

Em Färjoahr wänn dat Is noch klirrt, 

de Spreh von Dach to Dach al schwirrt, 

de Kiewitt dorch de Loft koppheistert, 

sien junge Peerd de Buer meistert, 

de Lewark enne Lüfte singt, 

onn all dat jung Läwe springt, 

Uck Boom onn Struck wart wädder green 

Wie es dat 'Woarderland doch scheen!

Em Sommer jeft de Herrgott Sejen, 

torr röcht'gen Tied moal Sonn', moal Rejen 

De Wäse fett, de Kleewer hoch 

doar jefft it fresche Mälk jenooch
De Jarscht, de Weite prächtich steiht 

uck Raps onn Rewe goot jedeiht. 

Em Aust, wänn voll de Woaje schwankt,
de Buer omm dat Wädder bangt. 


De Hoarfst bringt Oarbiet uck jenooch,
it träcke schwoar de Peerd am Plooch.
De Bohn noch enne Hocke steiht
De Rogg' onn Weit' wart nu jeseiht.
De Rewe motte enne Miet.
Förm Hoas kömmt nu ne schlächte Tied.
Jedrosche wart dat Koorn to Brot
onn Mensch onn Veh häfft keene Not.

De Winter es en strenger Mann, 

doch weinich he uns done kann.
Dat Veh licht mollich ennem Stall,
de Mensch denkt nu an Wiehnacht all. 

Torr Schwienschlacht wart nu enjeloade 

onn enne Rehr de Äppell broade. 

De Noaber kömmt to Skat onn Groch 

Wo es it so jemietlich noch?

Dromm goaht mie mett dem Weltjebrus,
eck bliew ein Woarder bliew to Hus, 

Wänn mancher noch so väl vertellt 

vom Driewe enne groote Wält. 
Dat
Land am Rhein sull keener schmähn, 

doch es dat Woarder groad so scheen. 

Am Nogat- onn am Wießelstrand
Doar es onn blifft mien Heimatland!