Ernst Frieböse: De Ostsee-Schepper
De Ostsee-Schepper
Foahr met mi los, min Säjelschepp
Dem Stormjebruus tom Spott;
On wenn eck moal en't Woater kepp,
Koam eck tom leewen Gott.
So eenfach oawer jeiht dat nich,
Eck holl noch hoch min Kopp;
Met minem diestern Broder Dod
Nehm eck dem Kampf noch opp.
Solang de ole Tobbacks-Piep
Noch qualmt en mine Schnuut,
Solang foahr eck bie Storm ond Wind
Opp mine Ostsee rut.
On wenn noch hecher als een Huus
'ne Well mi äwerrollt,
Dann es uck wieder nuscht doarbie,
Dann rook eck effu kolt.
On wenn bie Storm on wilder Nacht
De Mond am Hemmel steiht,
Dann denk eck an min leewet Wief,
Dat opp mi wachte deid;
On denk an minem leewen Jung,
De uck eent Schepper woard,
On de, wenn eck moal nich mehr ben,
Mit dissem Schepp rutfoahrt.
Eck bliew an mine Woaterkant,
Wiel eck hier henjeheer,
On wenn eck dann moal starwe mott,
Dann weet eck all wofär.
Foahr met mi los, min Säjelschepp
Dem Stormjebruus tom Spott;
On wenn eck moal en't Woater kepp,
Koam eck tom leewen Gott.
Gedicht von Ernst Frieböse!
Zitat:
Zitat von
Wolfgang
Eieiei! Danke Christa!
deid ist natürlich "tut". Und "wachte" ist "warten" oder vielleicht "wachten" im Sinne von "aufpassen"?
On wenn bie Storm on wilder Nacht
De Mond am Hemmel steiht,
Dann denk eck an min leewet Wief,
Dat opp mi wachte deid;
Uebersetzt:
Dann denk ich an mein liebes Weib,
das auf mich warten tut;
Eine schoene Woche
wuenscht
der Ohrsche Siegfried
