[COLOR=navy]Aus dem Lebensbericht von Franz Moeller
Mien Voader wer een warderscher Bur.Wie eck noch een Jungske wer-dat send all säwentig Joahr her - seid mien Voader all jedet Joahr Raps.So om Joakob rom wurd de Raps met de Säkel geschnäde.De lose Bundkes wurde opp de hoge Stoppel gelägt.Doer wurde se bold drech.
An eenem Oawend säd mien Voader to de Mudder :"Morje woar wie Raps auste.Franz mott uck Raps riede."Mudderke säd :"Franz es noch to kleen.He woard vom Perd falle." - "Dat schoat aehm nuscht.Daen kruppt he wäder ropp",säd de Voader.Eck freid mi all opp dat Rapsriede.
Am andre Dag ging eck met mienem Scholkommroad ut onsre Koat opp de Wäs on hoalde de Perd.Jeder nahm twee.Opp dem Riedperd sat jeder oahne Soadel.Dat Näwelperd nahm he an de Lien.Wie wie opp dem Hoff kame,fohr een Woage met Raps opp de Dähl.Twee Perd trocke aehm.De Fohrmann sar opp dem Woage em Raps.Nu stoakt he dem Raps af on schmet aehm noa beids Siede vom Woage opp de Dähl.De Woage had eenem grote Rapsploan,dat de Rapskerner nich utstreide.Em Ploan lach eene ganze Schicht Rapskerner on Schluwe.De musde uck rut.De Fohrmann krop vom Väreng unger dem Ploan on krop äweroarsch bit tom Hingereng vom Woage.Doarbi hof he dem Ploan emmer hoch on scheed de Kerner emmer wieder bit tom Hingereng un daen ropp opp de Dähl.Daen fohr he von de Dähl,on twee Lied packte dem Raps opp eenem hoge Hupe.
Em dissem Hupe red wie renn.Toerscht verschwunge wie ganz en dem Hupe.Oawer met de Tiet pärdelde de Perd aehm runger.Nu red wie emmer en de Rund,bit alle Kerner utgepärdelt were.Daen red wie oppm Hoff.De Lied droge dat Rapsstroh ruht.En disse Tiet wer opp de andre Dähl een tweeder Woage met Raps gefoahre,on nu ging deselwge Oarbeit von väre los.Emmer wader musde wie en de hohge Rapshupe rennriede.Eenmoal es dat mi doarbi schlächt gegoahne.Eck had een junget Näwelperd.Dat hat Angst vär dem grote Hupe on blew stoahne.Dat Riedperd ging wieder,on eck rodscht hinge von aehm runger.Doar lach eck met eenmoal unger dem hoge Hupe on musd fex värkrupe,doermet de Perd mi nich pärdelde.Eck kunn mi oawer nich lang besenne on musd forts wäder roppkrupe on wiederriede.Dem junge Perd holp eener von de Lied met dem Forkestähl noa.Nu ben eck nich mehr biem Rapsriede vom Perd gefolle.
Enn eenem Joahr scheed de Raps sehr got.Doer schenkd de Voader jedem von de Lied een Dommniksgeld.Eck bekam eenem Doaler.Dommnikssinndag fohre de Lied met Fru on Kinger tom Dommnik noah de Stadt.Dat wer een groter Joahrmoarkt.Doer ameserde se sich on koffte en.Eck haw mi ver minem Doaler em Haerwst een Poar Schlitschoh gekofft.Doer säd Voader :"Dem Doaler sullst du doch tom Andenke behole.Dat es een Krönungsdoaler ."Doer docht eck em Stelle:"Wat hälpt mi de Doaler,waen eck keene Schlitschoh haw".

[COLOR=navy]Am 25. Juli 1959 hätte der am 28.3.1957 in Kiel verstorbene Oberlehrer i.R.
[COLOR=#000080]Franz Moeller aus Sperlingsdorf seinen 85.begehen können.Er war bis zu seiner Pensionierung 40 Jahre als Lehrer und Organist in Sperlingsdorf
[COLOR=#000080]tätig.Die meisten seiner Schüler waren nach Flucht und Vertreibung noch
[COLOR=#000080]brieflich mit ihm treu verbunden.

___________________
Gruesse von Rudi