Hallo miteiannder,
bei meiner Suche nach online verfügbaren Dokumenten habe ich eine - aus meiner Sicht - extrem alte Erwähnung zum Ort Krebsfelde gefunden. Zwar verstehe ich selbst nicht alles, aber ein vor-sich-hin-Nuscheln des Textes lässt doch einige Inhalte in klarerem Licht erscheinen. Auch ein wenig Verständnis des Plattdeutschen ist hilfreich Interessanterweise soll offenbar lt. der Vorgabe des Elbinger Rates auf dem Gelände kein Dorf errichtet werden. Hier der Text:
.................................................. .................................................. .................................................. ..............
1395-08-04 Elbing
Der Rath von Elbing giebt 22 1/2 Hufen der Freiheit an Johannes Krefte aus. (Jetzt das Dorf Krebsfelde.)
Nach der Abschrift in „Privilegiorum tenores“ des Elbinger Stadtarchivs. pag. 21.
In dem namen des heren amen. Wissentlich sie alle den jenen, dy disen brieff werden zeen, horen adir lesen, das wir Radmanne czum Elbinge algemeyne, alze Johan Stolte, Johan von Heruorde, Hinrich damerow, Arnd rouer, Burgermeistere, Jacop volmersten, Ruloff von mellen, Johan huxser, Hinrich monch, Werner wesseling, Johan raw, Claus wulff, Claus dirgarde, Johan von ruden, Tydeman wergmeister, Johan volmersten, Johan dulmen, Johan rode, Berthram bedeke, Johan von thorn, Johan goswin, Johan werner, Johan lumpe, Radmanne, wolbedocht, mit ryfem rote czu orbar vnd czu nucze der ganczen stat Elbing vorgenant haben vorkouft Johan krefte burger in der vorg. stat Elbing vnd synen rechten nochkomelingen xxiij hube vnd ij morghen, dy do lyghen hinder grosse Musdorff in der vorg. stat vryheit, Anczuheben an Schadewalder vorflucht bys an den Tam, der do lyt hinder grosse Musdorff in der vorg. stat walde Vnd vort dy ander zite anczuheben von Lupushorster velde bys an dy Stobelake. Von disem vorg. acker so habe wir Radmanne vorg. der lossen Johan Kreffte vorbenant vnde synen nochkomelingen ziben morghen landes, die vij morghen nicht czu vorczinsen, vmme das der qwelle grabe an dem Tamme vnd der Lupushorster vorflucht sullen geen durch den vorg. acker. Dy vorflucht vnd den qwelle graben sullen dy Lupushorster halden, als das gewonheit ez in dem werder, vnd was wassers czwisschen dy beyde graben kumpt das mag Johan krefft vnde syne nochkomelinge vüren jn dy vorflucht adir in den qwellegraben wor das js en ist beqwemest, Alzo das Johan kreffte vorg. vnd syne rechte nochkomelinge von dem blybenden acker, des sint xxij huben vnd x morghen, von iczlichir hube sullen sy der vorg. stat Elbing jerlich vff wynachten xv scot in czinsen, vnd sullen das gut gelich irem anderen gute bynnen der Stat alze eyn ander borger noch mark czale vor reysen. Ouch so sal das scharwergk des vorg. gutis steen an vns Radmanne czum Elbing in guter meynunge. Vnd wir sullen Johan kreffte vnd synen nochkomelingen günnen eynen graben czu geende durch den acker den man heyset Schottenagker. Ouch so sal her an eyme stücke temmen an dem Tamme der hinder Johan kreffte vnd synen nochkomelingen lyt in dem walde, anczuheben an dem ende kegen der Lupushorst, vnd von czwen huben als vyle czu temmen, als dy andern der stat dorffere tun von eyner. Weres ouch das ymande Johan kreffte adir syne nochkomelinge czu temmen adir czu graben vorder drenghen welde, wen hyr vorgeschreben stet, do wolle wir Radmanne vorbenant sy ynne vortedinghen vnd vorhegen als wir vorderst moghen, wante dis vorgenante gut nicht lyt in des werders kore. Ouch habe wir Radmanne czum Elbinge das gehat mit Johan kreffte in vnserm kouffe, das her, noch syne nochkomelinge vff das vorgenante gut keyn dorff vslegen sullen, sunder czwene houe adir drye vff das meyste. Vortmer ab wir vorg. Radmanne den vorgenanten Acker welden anderweyt messen, so sal man mit der rute der lenge den acker messen do her bevore myte ez ghemessen, vnd vunde man icht oberich boben den acker, alze vorgeschreben stet, das sal Johan Kreft vnd syne nochkomelinge vorczinsen alze hir vor stet geschreben, vnd ouch vorlybe davon czu geben, als dy js gegeben czuvore. Vunde man adir in der mosse des ackers mynre wen als vorgeschreben stet, das sal man wider abeslan gelich noch gebornisse. Czu geczugnisse vnde czu merer bewarunge alle diser vorg. stucke so habe wir Burgermeistere vnd Radmanne vorg. der vorgenanten stat Elbing Ingezigel an disen briff mit willen vnd mit eyntracht lossin hengen.
Datum anno domini etc. xcovto die dominici Confessoris.
.................................................. .................................................. .................................................. ............
Über das weitere Schicksal des Hofes gibt folgende Notiz Auskunft:
ca. 1690:
Über das Eingehen des Krebshofes ist in Jacob Wunderlich's Elbingensia Bd. II, S. 263 (geschrieben um 1690) vermerkt:
„Johan Krebs der Lupushorster Nachbar hat Anno 1418 sein Gut auf der Freiheit an Andreas Scholeman, vnd selbiger den Krebshoff ohne des Raths willen an den Herrn Hohemeister abgetreten, weszfals allerley widerwillen entstanden, jedoch derselbige Hoff wiederumb Anno 1421 laut Recess abgetreten worden, da dieser Hoff auf Order der Stadt Obrigkeit abgebrochen vnd nachmalen das Krebsfeld überblieben bis auff heutigen tag. hält in allem 7 huben“.
Viele Grüße
Peter